Шашка вăййин тĕл пулăвĕсем 4 хăма (доска) çинче иртрĕç. Пĕрремĕшĕнче, паллах, чи вăйлисем пулчĕç. Лаш Таяпа шкулĕнче вĕренекен А.Мижеров мала тухрĕ. Иккĕмĕшпе виççĕмĕш вырăнсене С.Петров (Патреккел), И.Маликов (Хăвăлçырма) йышăнчĕç.

2-мĕш хăма çинче те Лаш Таяпа шкулĕнче пĕлÿ пухакан А.Павлов, 4, 5 очко пуçтарса, çĕнтерчĕ. Иккĕмĕш вырăн йышăннă В.Власов (Кĕçĕн Таяпа) унран çур очко каярах пуçтарчĕ. Виççĕмĕшпе тăваттăмĕш вырăнсене А.Михеев (Энтепе) тата В.Михеев (Хăвăлçырма) пайларĕç.

3-мĕш хăма çинче çĕнтерÿçĕ ята С.Князев (Лаш Таяпа) тивĕçрĕ. Иккĕмĕшпе виççĕмĕш вырăнсенче – А.Семеновпа (Кĕçĕн Таяпа) В.Степанов (Хăвăлçырма).

4-мĕш хăма çинче, 4-шар очко пуçтарса, М.Скворцова (Кĕçĕн Таяпа) тата Г.Сергеева (Энтепе) пайларĕç. Виççĕмĕш вырăна вара Ю.Князева (Лаш Таяпа) тухрĕ.

Командăсен ушкăнĕнче Лаш Таяпа шкулĕнчи çамрăк шашистсем пĕрремĕш пулчĕç. Иккĕмĕшĕпе виççĕмĕш вырăнсене Кĕçĕн Таяпа тата Хăвăлçырма шкулĕсенче вĕренекенсем йышăнчĕç.