Асăннă конкурсăн пĕтĕм-летĕвĕ вара пуш уйăхĕн 5-мĕшĕнче Елчĕкри культура çуртĕнче иртрĕ. Сцена çинче ачасем хăйсен пултарулăхне тĕрлĕ енлĕ кăтартрĕç: тĕрлĕ тематикăпа “Мастер-класс” ирт-терчĕç, “Эпĕ тата манăн организаци” темăпа хатĕрленĕ видеоматериалпа паллаштарчĕç. Çивĕч тупăшура Е.Указова (“Млечный путь”) çĕнтерчĕ, “Лидер ДОО-2007” хăйăва тата райадминистрацин вĕрентÿпе çамрăксен политикин пайĕн Хисеп грамотине тивĕçрĕ. Т.Федорова (“Орленок”) тата О.Муллина (“Туслăх”) иккĕмĕш тата виççĕмĕш вырăнсене йышăнчĕç. Кунтах пионер тата комсомол юхăмĕсен активисчĕ К.Леонтьева ачасене пионер организацийĕ епле йĕркеленсе кайнипе паллаштарчĕ.