Ăна Чăваш Республикин Сывлăх сыхлавĕпе социаллă аталану министерствин районти социаллă хÿтлĕх пайĕ, район администрацийĕ, ял хуçалăх пайĕ, профсоюзсен координаци канашĕпе ĕçпе тивĕçтерекенсем йĕркеленĕ. Конкурса районти промышленноçпа ял хуçалăх предприятийĕсенче тăрăшакан ĕç сыхлавĕн инженерĕсемпе специалисчĕсем хутшăннă. 15 специалист ĕç сыхлавĕн саккунĕсене, докуменчĕсене тĕпчессипе, ĕç вырăнĕсенчи ĕç условийĕсене лайăхлатассипе, аттестацилессипе тĕрлĕрен инструкцисем хатĕрлессипе тата ытти енĕпе хăйсен пĕлĕвĕсене тĕрĕслерĕç. Кунта НПО “Промсервис” ЗАОри Н.Григорьева çитекенни никам та пулмарĕ – вăл 25 балл пухма май пур çĕрте пĕрне те çухатмарĕ. Иккĕмĕшпе виççĕмĕш вырăнсене “Труд”, “Комбайн” ял хуçалăх производство кооперативĕсенчи В.Сапожниковпа Г.Ильин йышăнчĕç. Н.Григорьев республикăри конкурса хутшăнать.