Наркотик туянма укçа-тенкĕ тупас тесе çынна та пурнăçран уйăрма хатĕр. Чăнах та, хăш-пĕри пуç тавра çичĕ хут шутланă хыççăн киревсĕр пулăмран хăтăлма май тупать. Пирĕн тăрăхра наркотиксемпе сĕмсĕррĕн иртĕхекенсем палăрсах каймаççĕ, çапах та районти тĕп больницăра 2 çын шутра тăрать. Вĕсем тăван ене куçса киличчен ют çĕрте – пĕри Ульяновск тăрăхĕнче, тепри кăнтăр енчи республикăра пурăннă, çав вăхăтра наркотиксен серепине лекнĕ. Халĕ вара, киревсĕр пулăмран хăтăлнă пулин те, вĕсене тухтăрсем сăнасах тăраççĕ.