Ялта пĕр пушă çын çук. Вăй питти арçынсемпе хĕрарăмсем пурте уйра - ака ĕçĕсене тума хутшăнаççĕ. Иртнĕ кунсенче выльăх апачлĕх нимĕç пăрçине 36 гектар çинче акса хăвартăмăр. Халĕ тулă акатпăр. Хуçалăх правленийĕнче ĕçлекенсемпе пĕрле Кивĕ Эйпеçри шкулта вĕренекенсем вăрлăхлăх выльăх чĕкĕнтĕрĕ лартма тухрĕç. Выльăх чĕкĕнтĕрĕн вăрлăхне кăçал 5 гектар туса илме палăртнă.

     Геннадий Изратовпа Николай Романов, Борис Соловьев механизаторсем пирки те ыр сăмах каламасăр иртме çук.