Вулавăш - пĕлỹ тĕнчи. Ăçта кăна çитместĕн, мĕн çеç пĕлместĕн унта ура ярса пуссан. Юмах, калав, сăвă е ытти хайлав вуланă май кĕнеке ăшне пуçĕпех путатăн, унти геройсем евĕр шухăшлама, вĕсемпе савăнса-хурланма пуçлатăн.

     Елчĕк шкулĕнчи 4 "а" класра пĕлỹ пухакансем çак кунсенче тĕп библиотекăра "Кĕнекесен тĕнчинче" ятпа иртнĕ урокра пулса курнă, "Ман юратнă кĕнеке", "Çут çанталăкăн тĕлĕнтермĕш тĕнчи", "Истори страницисем", "Юмах патĕнче хăнара" куравсемпе паллашнă.  

     Ача-пăча тĕслĕх библиотекин заведующийĕ Л.Смирнова тата В.Ишмуратова библиотекарь вĕренекенсене вулавăшпа, "Шăпăрлан" уйрăмпа тĕплĕн паллаштарнă.

     Вулав залĕнче "Манăн пĕрремĕш библиотека" электронлă каталогпа ĕçлесе курни ачасене пуринчен ытла килĕшнĕ.