Йытă çулĕн пĕрремĕш уйăхĕ те вĕçленсе пырать. Кăçал районта чи малтан "çĕн кайăк" пулса Яманчỹрелĕнчи Ксения Петрова "вĕçсе" килчĕ. Райадминистрацин ЗАГС пайĕн специалисчĕ С.Лебедева пĕлтернĕ тăрăх, паянхи кун тĕлне районта 11 ача çуралнă: 6 хĕр ачапа 5 ывăл. Шăмалакри Алексейпе Марина Шуйковсем вара тăваттăмĕш тĕпренчĕкне алла илчĕç. Питĕ шел, пĕр пепке çутă кун виçĕ талăк анчах курайнă.