Кĕçĕн Таяпари "ЯрМат" спортклуб членĕсем Шупашкарта пулса иртнĕ çамрăксен обществăлла пĕрлешĕвĕсен спартакиадине хутшăннă. Эстафета ăмăртăвĕнче 18 команда хушшинче вĕсем виççĕмĕш вырăна тухнă. Алă вăйĕ виçессипе Е.Ярославлева - иккĕмĕш, А.Серебряков - виççĕмĕш вырăнсене пайланă. Атрибутика конкурсĕнче команда виççĕмĕш пулнă.

     Сывă пурнăç йĕркине сарас тĕллевпе йĕркеленĕ çамрăксен спорт клубĕ çулталăк каялла ĕçлеме пуçланă. Ăна Сергей Петров ертсе пырать. Спортклуб çывăх вăхăтрах учительсене - Козловсене асăнса ирттерекен волейбол турнирне хутшăнма хатĕрленет.