Районта футбол вăййине кăмăллакансем сахал мар. Юлашки вăхăтра ялсенче пурăнакан çамрăксем пĕр-пĕринпе тĕл пулса ăмăртусем ирттересси йăлана кĕрсе пырать.

     Акă, Аслă Елчĕк ялĕн кубокĕшĕн пыракан ăмăртăва 5 команда хутшăннă. Аслă Елчĕк, Елчĕк, Кармал, Кушкă, Патреккел командисем пĕр-пĕринпе тĕл пулса вылянă. Финалта хĕрỹ кĕрешỹре Елчĕк ялĕн футболисчĕсем Аслă Елчĕксене 1:0 шутпа парăнтарнă, кубока çĕнсе илнĕ.

     Ун хыççăн Кармалти, Патреккелти, Кушкăри футболистсене Елчĕксем хăйсем патĕнче йышăннă. Каллех хĕрỹ кĕрешỹ пынă. Финалта Кармалсемпе Елчĕксем тĕл пулнă. Вăйăра 1:0 шутпа çĕнтерсе, Кармал футболисчĕсем Елчĕк ялĕн кубокне хăйсем патне илсе кайнă.