"Комбайн" хуçалăхра тухăçлă ял хуçалăх продукцийĕсене туса илме хăнăхнă. Ăнăçлăха вĕсем кĕрхи çĕртмене вăхăтлă, пысăк пахалăхпа туса хăварнинче те кураççĕ. Халĕ кунти уй-хирте хĕрỹ ĕç вĕрет. Ю.Еремеев, О.Смирнов, Н.Романов, В.Николаев, Б.Соловьев, В.Абрамов тата ытти механизаторсем "хурçă утсем" çинчен çĕрĕн-кунĕн анмаççĕ. Вĕсем паянхи кун тĕлне 800 гектара яхăн лаптăк çинче кĕрхи çĕртме сухи туса хă- варнă.