Елчĕкре каменщиксен республикăри конкурсĕ иртнĕ. Вĕсем район центрĕн кăнтăр хĕвел тухăç енче 27 хваттерлĕ çуртне хăпартнă çĕрте икĕ кун хĕрỹ тупăшнă. Кил хуçисем - "Яльчикская" МСОра тăрăшакансем - хăйсен ячĕсене яман. "Чăваш Республикин тава тивĕçлĕ строителĕ" хисеплĕ ята тивĕçнĕ Валерий Петрянкин тата Владимир Горшков - ăнăçлă ăмăртса малти вырăнсене йышăннă, вĕсем республикăри конкурса хутшăнаççĕ.

     Çакăн хыççăнах штукатур-малярсен республикăри конкурсĕ пуçланнă. Вăл Патăрьелĕнче иртет. Унта Лидия Воробьева тата Людмила Чернова бригадинчи штукатур-малярсем хутшăнаççĕ.