Тымар çимĕç - выльăхсемшĕн паха апат. Сахăр чĕкĕнтĕрĕ сыснасемпе вăкăрсене самăртма кирлĕ, выльăх кăшманĕ ĕнесене ытларах сĕт антарма пулăшать. Çакна шута илсе "Труд" хуçалăхри Константин Марков механизатор кĕске вăхăтра 15 гектар выльăх кăшманĕ акса хăварнă. К.Маркс ячĕллĕ хуçалăхра вара кăçал 60 гектар çинче сахăр чĕкĕнтĕрĕ çитĕнтерме палăртнă. Петр Такмаков механизатор хальлĕхе ăна 40 гектар акнă.