"Колос" хуçалăхри çĕр ĕçченĕсем те çурхи кунсен кашни саманчĕпе тухăçлă усă курма пĕлни куç умĕнче. Александр Курчин, акă, 3 сеялкăллă агрегатпа кĕске вăхăтра 132 гектар çинче çурхи тулă акса хăварнă. Акнă лаптăксене хыççăнах Евгений Васильев механизатор пусăрăнтарать, урăхла каласан, анари ĕçе пĕтерсех пырать. Александр Павлова вара пахча çимĕç культурисене акма шанса панă. Вăл 9 гектар çинче севок вăрлăхĕ (чернушка) акса хăварчĕ, халĕ 5 гектар çинче кишĕр акать. Пур ĕçе те вĕçе-вĕçĕн, чăрмавсăр пурнăçлама хуçалăхра техника, çунтармалли-сĕрмелли материалсем çителĕклĕ, шанчăклă кадрсене те малтанах çирĕплетсе хунă.

     Хĕрарăмсен ушкăнĕ вăрлăхлăх çĕр улмине касать.