Аслă Çĕнтерỹ 60 çул çитнине чаплăн паллă тăвиччен шутлă кунсем юлчĕç. Çавна май 1941-1945 çулсенче Аттелĕхĕн Аслă вăрçинче вилнисене асăнса лартнă палăксене юсаса тирпей-илем кĕртнине тĕрĕслесе тăракан ятарлă комисси çак кунсенче кашни ялах çитсе килнĕ. Асăннă комисси членĕ - район администрацийĕн социаллă хỹтлĕх управленийĕн пуçлăхĕ Е.Михайлова пĕлтернĕ тăрăх, районти кашни палăкпа обелиска тирпейленĕ, Таяпа Энтринчи тата Хăвăлçырмари палăксене тĕпрен юсанă.