Аттелĕхĕн Аслă вăрçи вĕçленнĕренпе 60 çул çитнине халалласа районти культура çуртĕнче чылай мероприяти иртет. "Такмак, хут купăс, сапăр ташă", "Театр тĕнчинче", "Елчĕк çăлтăрĕсем" фестивальсем уйрăмах ăнăçлă иртрĕç. Районти чылай коллектив вĕсенче хăйсен пултарулăхĕпе тĕлĕнтерчĕ. Кĕçĕн Таяпасем республикăри "Ахрăм-мухтав" фестивальте район чысне хỹтĕлерĕç. Ака уйăхĕн 15-мĕшĕнче вара районти культура çуртĕнче республика шайĕнче иртекен "Çĕнтерỹ салючĕ" фестиваль пулать. Çавăн пекех çак кун историпе тăван тавралăх музейĕнче тата Елчĕкри культура çуртĕнче "Çав кунсене пуç тайса" выставкăсем уçăлаççĕ.