Театр кунне халалласа Çуткỹл шкулĕнче пысăк уяв иртрĕ. Н.Айзман çырнă "Кама савать, çавна каять" ятлă спектакль кăтартрĕç ялти "артистсем". Э.Краснов тата А.Краснова культура ĕçченĕсем пьесăри ĕçсем ĕнентерỹллĕ пулччăр тесе илемлĕ декораци хатĕрленĕ. Вылякансен тумĕсем, калаçăвĕ, хăйсене тыткалани - пурте килĕшỹллĕ пулчĕç. Куракансене уйрăмах Ю.Уваров, Л.Векова, В.Максимова, С.Холоднов, А.Краснова, В.Лисицын, Э.Краснов выляни кăмăла кайрĕ.

     Сцена ăстисем - чун сиплевçисем тесе ахальтен каламаççĕ пуль çав. Ăшă кăмăлпа саланчĕç çынсем спектакль хыççăн.