Министерство кунĕнче ЧР вĕрентỹ тата çамрăксен политикин министрĕ Г.Чернова Кушкăри вăтам шкулта пулчĕ. Кушкăсем кăçал республикăри "Шкул-2005" конкурса хутшăнса "Шкул - ял управĕ" номинацире пиллĕкмĕш вырăн йышăннă. Çавăнпах министр шкула çитсе курчĕ те. Унти учительсен ĕçĕ-хĕлĕпе тĕплĕн паллашрĕ.

     Галина Петровна шкул картишĕнчи юр кỹлеписенчен ăсталана юмах тĕнчине курса тĕлĕнчĕ, пысăк хак пачĕ.