Уяр çанталăкпа усă курса иртнĕ кунсенче 15 гектар лаптăкри çĕр улмие кăлартăмăр. Ку чухне пĕтĕм ĕçе шкул ачисем çине шантăмăр тесен те йăнăш пулмĕ. Яманчỹрел тата Шăмалак шкулĕсенче вĕренекенсемпе вĕрентекенсем 4 кун "иккĕмĕш çăкăр" уйĕнчен кĕме пĕлмесĕр тимлерĕç. Александр Матвеев механизатор, иртнĕ çулсенчи пекех, копалкăна тухăçлă ĕçлеттерчĕ. Хатĕр продукцие хальлĕхе хранилищĕсене вырнаçтарнă. Кунтах ăна вăрлăх валли суйлаççĕ, ытлашшине сутма пулĕ.