"Свобода" ял хуçалăх производство кооперативĕнче выльăх-чĕрлĕх апачĕ хатĕрлессинче çанталăкăн уяртнă вăхăчĕпе туллин усă курма тăрăшаççĕ. Кунта "Текстильмаш" УАО туса кăларнă "Волга-2" комбайн силос, сенаж хатĕрленĕ чухне пысăк пулăшу панине ăнланса илнĕ. Ăна Алексей Шуйков механизатор ăнăçлă ĕçлеттерет. Вĕтетнĕ массăна турттарма куллен тĕрлĕ йышши 6 техника хутшăнать. Сенажа, силоса таптаса пусăрăнтарнă çĕрте Владимир Черновпа Василий Степанов тăрăшаççĕ. Хуçалăхра 600 тонна сенаж, 700 тонна силос хатĕрлеме ĕлкĕрнĕ. Çакă хуçалăхри выльăхсене хĕл каçарма çителĕклĕ.